February 16, 2012: Cozah a changchang in Chin ramkulh hi ti lawng tuahnak nawl an pek mi February 20 cu Chin miphun ni tiin tuahter dingah MP Pu Lal Mawng Cung nih Chin ramkulh cozah sinah halnak a tuah. Halnak ca a tialmi copy cu U Thein Sein le ramkulh hluattaw zaapi sinah a pek hna. Democracy lei kan kal cuahmahnak ah cozah thar nih tlangcung mi kong biapi ah chiah a si bantuk in Chin miphun nih kan sunsakmi February 20 cu ramkulh ni a si lo caah miphun ni in tuahnak nawl nan kan peknak lai tiin a hal hna hi a si. Hi halnak kongah zeitin bialehnak a um rih lo. Hi kong hi cozah thar nih an ruah ding hrim a si, cucu democracy a thawtnak a si tiah Hakha khua nupa nih an ti. Chinram thlanglei Mindat peng Chin miphun ni tuahtu comiti nih Chin miphun ni in tuahnak nawl pek dingah December chungah Chinram cozah sin halnak an tuah nain Chinram cozah nih an hnon piak hna. February nikhat ah Mon miphun ni tuahnak nawl bel an pek hna.
No comments:
Post a Comment